李幸倪首度于香港迪士尼乐园奇妙梦想城堡开唱：「完成咗我想于城堡开唱嘅愿望」

日前，Gin Lee李幸倪到香港迪士尼乐园演出迪士尼传统圣诞节目「迪士尼圣诞音乐Live！」，圣诞音乐夜以家传户晓的迪士尼圣诞乐章传颂关于礼物的温馨故事，为大家送上一场音乐盛宴。

当晚，Gin与香港儿童合唱团在奇妙梦想城堡前演唱多首经典歌曲，并跟米奇与好友为宾客以音乐送上祝福。演出结合光影投射、喷泉水柱与烟火，让整个夜空都充满着节日音乐的气息！她分享道：「可以喺奇妙梦想城堡前表演本身已经好梦幻！成件事好靓，加埋一啲effect、烟花效果、灯光，全部都係非常之靓嘅画面。我见到嚟睇嘅观众，无论大朋友定小朋友，佢哋都充满喜悦，我觉得好开心，好荣幸有呢一次嘅机会可以同一班迪士尼朋友一齐表演。」

在表演中，Gin以紫色low cut晚装裙配上一头金色长髮现身。原来为了这次演出，她事前已试了十多条裙，「服装上面花咗好多时间，试咗差唔多十几条裙。之前大概知道成个setting係点样，目标係想好完美咁融入成个setting。呢条裙无论颜色同cutting都好配合成个主题，加埋化妆、髮型同埋accessories全部都花咗好多心思去配搭，出嚟嘅效果都好靓，自己都好开心。」又笑说：「感觉好似完成咗我想成为公主嘅愿望，哈哈。」

问到圣诞节部署，她谓如没有工作安排，便会跟屋企人食圣诞大餐，「年尾通常唔会去旅行，会留返喺香港庆祝。我都会布置屋企，播吓圣诞歌，有啲Christmas嘅气氛，都想同屋企人一齐入香港迪士尼乐园体验呢度嘅飘雪圣诞，同埋食圣诞大餐，感受充满迪士尼特色嘅圣诞传统。」

李幸倪首度于香港迪士尼乐园奇妙梦想城堡开唱：「完成咗我想于城堡开唱嘅愿望」其他人也在看