TVB年度盛事《万千星辉贺台庆》于昨晚（19日）举行，近300位艺员盛装打扮出席及参与演出，不过亦有艺员未有机会出席，令人感到婉惜。曾于《十八年后的终极告白》饰演Jackie、《爱·回家之开心速递》饰演Laptop的孟希璘（Ball）先后演出过不少剧集，纵然角色不是剧集主角，不过甚有观众缘的她令大家留下印象，可惜她昨晚未有机会出席台庆及在台上演出，亦令部分喜欢她的观众失望。她于IG贴出之前在台庆演出的照片抒发感受，并接受《Yahoo娱乐圈》访问分享近况。

孟希璘于IG撰文抒发感受：

「虽然今年台庆唔洗我番去

但係都一定要同我最亲密嘅TVB讲

TVB Happy Birthday 🎂 🥳

我都庆幸曾经有份係台庆有过精彩嘅演出

附上一啲从来未post过嘅相

大家个喊样

练talk show都可以手伤哂

我咁瘦嘅

转眼已经过左3年

记得当时我都係觉得冇咩好拎自己嘅经历黎做表演

但完左之后好多同事都有送我一个拥抱加两行眼泪🫂

直到今年！！我係旺角打边炉，仲有一个经理行埋黎已经眼湿湿，我都吓一吓，同我讲佢好记得我当年呢一part表演，佢见到我真人就已经有情绪，当年佢正正係有最亲嘅人经历紧同样嘅痛苦，虽然仲未可以跨过，但佢睇到我嘅表演之后，觉得係一种舒发，因为佢冇方法去舒压。我都好开心原来不知不觉间帮左你🙌🏻

其实大家一切嘅感动或者心酸都唔係黎自我嘅故事

亦唔係比到几多正能量

係填补紧睇紧嘅观众心入面嘅缺口，有人帮你地将呢一滴眼泪喊出黎，你地面对几多辛苦，心痛，我都替你地一齐排出黎

❤️

做左啲有意义嘅野

真係有人一世都记得

扯远左

呢几日个个观众都同我讲19号见

今年期待睇我嘅各位街坊唔好意思

我冇表演😂所以比番啲旧野你地睇

收住货先，睇下下年会唔会有野玩😛

#tvb #tvb台庆 #台庆 #happybirthday

#孟希璘 #ballmang」

虽然孟希璘未有回到电视城参与台庆盛事，不过她亦有于观看：「有睇回放呀，呢30年黎都睇足嘅，由以前住係清水湾个宿舍已经年年现场睇架啦，因为行几步就入到Tvb嘅厂😂 今年睇电视都好精彩呀😍」

入行6年的她分享今年拍摄了《奔跑吧！勇敢的女人们》及《爱·回家之开心速递》，「6月到𠵱家都冇再有新剧，都仲係《开心速递》嘅，但已经3个月冇开过工啦😂可能因为另外两位IT狗坤伦同展骅都离开左TVB啦，所以剧情上都未有啱我嘅部分，不过我相信一定会继续写Laptop嘅，始终我见到真係好多人好锺意呢个角色😄」

今年突然少了工作令她不太适应，「我嘅感慨大致都係黎自好想参与呢啲全台盛事啦，你都知我入行开始真係未停过，长期3至5套剧同时在手，仲要係计入剧喎，唔係得几场嗰啲，就算疫情期间都至少两剧在身，从来都未试过今年咁，6月开完冇剧紧接，点知可以半年冇咩开过工，出街食饭啲街坊问起我係咪都离咗巢😂当然会有啲失落啦，我仲喺到㗎！仲有啲剧未出街嘅。」患有罕见病风湿免疫系统病（雷诺氏综合病）的她又透露身体状况：「呢几个月我处理咗好多身体上嘅问题，虽然救番我嘅医师过咗身，我觉得呢几个月嘅休息好有价值，我相信医师见到我有得休息一定好安心，因为佢对我最大嘅心愿就係可以休息，我就好好把握呢几个月，养番好身体，咁之后几时先有剧拍就随缘啦，太多太多人鼓励我啦，所以都唔担心大家耐咗冇见我唔记得我，我信之后再拍嘅作品大家一定更加支持🫶🏻」