57岁邓兆尊同时与3位红颜知己交往，被指係「现代韦小宝」。日前，邓兆尊亮相于由江美仪、吴家乐主持嘅节目《娱乐好好玩》，大爆曾被陈彦行（行姐）追求，更指对方妈妈见到佢就流晒口水。

邓兆尊与行姐合作拍摄经典剧集《皆大欢喜》期间朝夕相对，因而传出绯闻；多年来，邓兆尊艳福无边，行姐就一直宣称单身，但今年7月有传佢于3年前秘密产女。事后，行姐承认秘密结婚及产女，指另一半係简单低调嘅圈外人。邓兆尊于《娱乐好好玩》被问到有否追求过行姐，佢就回答指一个女艺人都冇追过，又指入行时曾答应爸爸不能与圈中人拍拖。不过，佢就爆出指行姐有少少追求佢：「行姐有冇追我，有少少嘅，行姐睇住我都係咁讲，嗰时有一个节目同思浩做嘅，好似係亚视，『依家畀机会你再追我一次，你追唔追？』我话唔追。佢都叫少少追过㗎，《皆大》嗰时，嬲过我㗎，因为我同佢做夫妻，但係现实上我冇同佢做过夫妻，佢就嬲我。」邓兆尊认为行姐係好女仔，但佢拒爱嘅原因係当时佢已有两个女朋友：「我唔係唔接受佢，行姐好女仔嚟，係我嘅睇法，我睇落去好似几好女仔啦。有样有身材，个人又傻傻地，好难得㗎嘛。只不过嗰时我已经有两个女朋友啦嘛。」

邓兆尊又爆料指当时连无綫高层曾励珍都想撮合佢同陈彦行合照，分享自己收到珍姐电话，叫佢即刻过嚟铜锣湾，指唔可以抗拒珍姐，亦见到行姐阿妈流晒口水望住佢，笑指曾励珍係媒人。对于种种回答，吴家乐指佢唔尊重行姐，邓兆尊回应：「行姐我好尊重，唔尊重食咗佢啦，我就係因为太尊重佢，当佢女神咁供奉，唔敢亵渎佢。我放生佢，要得到佢几咁易呀，易如反掌」。

另外，江美仪问到邓兆尊择偶类型，佢就回应指肥嘟嘟即可，当被提及上围要否丰满，邓兆尊表示其老婆以前仅「A cup」上围，但交往后身材愈来愈好。有女艺人又同邓兆尊讲叫佢帮吓佢手捽大佢（上围）：「我话你都傻，捽大佢，你估咁容易呀，赵小姐呀」，对于赵小姐身份，网民议论纷纷。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！