陈卓贤Ian今年以故事串连推出的单曲，来到最后一首作品〈玩偶奇遇记〉，终揭晓他在故事中所饰演的主角，原来是一只玩偶熊仔，他更投射自己的个性到这只玩偶熊仔身上。
自去年年尾开始，Ian便开始构思创作一个故事，并透过歌曲及MV呈现出来，Ian说：「我喺上年年尾开始构思同创作今年呢五首歌，但歌曲、故事剧情，以至MV细节，都係一路製作一路微调，而主角其实係一只熊仔，喺每个章节都有熊仔出现。」玩偶熊仔见证着一段爱情的开始、发展到终结，随后亦有他自身的经历，不过熊仔既无话语权，亦未能表达自己的意愿。
为何会拣选玩偶熊仔做故事主角呢？Ian解释道：「因为人畜无害，同埋好似好多公仔都係熊仔，大家可能好多时会忽略咗佢，觉得佢嘅存在係理所当然，睇呢个故事嘅时候，亦唔觉得只熊仔係关事，纯粹係好表面觉得熊仔係定情信物，见到熊仔就好似见到你嘅另一半，但慢慢就带出比较深层嘅意思，紧扣返主题：其实熊仔喺MV里面有唔同形态出现，亦都係代表每一种心情，不过熊仔有很多无能为力嘅事，譬如佢都好锺意主人，但言语上、肢体上都表达唔到自己。」透过今年这个故事，到〈玩偶奇遇记〉将故事揭盅，Ian最希望能给大家一点提醒，Ian说：「呢一连串故事，希望可以提醒大家，其实生活上唔係所有嘢都理所当然，可能有时要谂阔少少谂远少少，所有嘢得来不易，要多啲喺唔同角度去谂。」Ian透露，玩偶熊仔亦是他个人的个性投射，说：「我都係一个唔太会表达自己嘅人 ，所以出一个咁嘅故事，睇下会唔会都有啲有共鸣嘅朋友。」
Ian又相信，万物皆有生命，亦有思想，千万别漠视他们的感受。他说：「〈凿〉里面小女孩拥有一只熊仔，佢冇谂过熊仔其实有佢自己嘅思想，喺小女孩心目中纯粹係好简单嘅物件存在喺佢生活。其实我哋喺日常生活中，忽略咗身边好多大大小小嘅人或物件，我嘅歌好似〈留一天与你喘息〉里面嘅石头有生命、〈地球上的最后一朵花〉嘅花又有生命、〈鲸落〉嘅鲸鱼都係有生命，但大家唔好忽略咗，佢哋亦都係有自己嘅思想。」
京ICP备11000001号