资深演员戴耀明曾参演多部剧集，令不少观众留下深刻印象。他最近被传媒野生捕获，忙于在茶餐厅当侍应，既要落单、送餐，亦要洗碗、倒垃圾，辛勤的他卖力地工作。戴耀明接受《Yahoo娱乐圈》访问分享做茶记的感受，且透露有意将来能开茶餐厅进军饮食业。

戴耀明指：「最近比较得闲，之前经常就落去我老友Billy哥（张本立）间茶餐厅，大家度桥。因为我哋之前接咗一啲啤酒广告推广。」他又谓：「横掂成日喺度，所以得闲我都帮下手，执头执尾呀。咁我又真係想了解一间茶餐厅，事无大小嘅运作係点样，所以有时间就去感受一下。」

被问到从事饮食业会否比拍剧高薪？他表示：「人工就冇。因为做演员唔知可以做到几时，想有条后路畀自己。第时希望可以开茶餐厅。就算开唔成，都可以（学）一门手艺，沖下奶茶、咖啡，搵份工。」他感慨道：「其实饮食业真係唔易做，终于明白点解咁快咁多商店执笠，原来灯油火蜡支出都几大啊，唔做都唔知。」